السلام عليكم ورحمة الله وبركاته
راس السنة بالنسبة لناس كتير مناسبة حلوة
من ناحية انهم بيخدوها فسحة ويخرجو وبتاع
ومن ناحية تانية انها بشرو خير
سنة جديدة وبيتمنوا انها تبقة احسن من اللى قبلها
بس انا ديما مكنتش بحب راس السنة
عشان غالباً ببقة لوحدى
زى اوقات الثانوية العامة وافضل اذاكر لوحدة بقة
بس السنة ديه قررت انى اقضى راس السنة مع اصحابى
عشان ابقة مع ناس بحبهم وكده
بس واضح ان خطتى فشلت
عشان بمجرد مدقت الساعة 12 كل واحد فينا (انا وصحابى يعنى)
بص لموبايل بتاعه ملقاش حد معبره
كان شعور وحش قوى على فكرة
مش عشان منعرفش حد او مقطعوين من شجرة
بس عارف لما تحس انك مش شخص مميز لحد على كل الكوكب
وعاوز يشاركك اللحظة ديه
شعور بالوحدة سخيف جداً
والاسوء منه انى لما طلعت الموبايل عشان اشوف حد اكلمه
لقيت انى فى السنة ديه فى ناس كتير وقعت منى
يا اما انا ضيعتهم عن قصد او هما راحوا بحكم الزمن والظروف
بس اللى اكتشفته انى على اد مكسبت ناس كتير السنة ديه
على اد مسبت ناس برده
بس الحمد لله انى عرفت ناس فى نفس الوقت مش عاوز
اسيبهم ابداً
وهما اصلا اللى انا كنت معاهم اصلا
يعنى لو كل واحد فينا كان بص للتانى ومبصش للموبايل
كان هيبقة الشعور مختلف تماما
وده الاكتشاف اللى لسه مكتشفه وانا بكتب السطور ديه
كل سنة وانتوا طيبين
العلاقات السامه
-
باختصار التضحيه اللي هتقدمها في حياتك والتنازلات هتتعامل عليها انها حق
مكتسب ومهما عملت هتفضل في نظر الآخر مقصر وغير أهل للثقه رغم اعترافك بغلطاتك
ورغم ...
قبل عامين (2)
14 التعليقات:
يا سيدى ولا يهمك
طيب كنت قولتلى وانا اكلمك:))
كل سنه وانت طيب يا باشا
امممممممم كلامي هيكون مش متوازن
بس هقولك كل عام وانت بخير
وحاول ترجع الناس اللي سيبتها وخلي بالك من اللي بيحبوك وعاوزينك معاهم
بوست جميل وعندك حق احساس وحش بانك وحيد وبان مفيش حد بيسال عليك وكانك مش في العالمولا لك وجوداوفائدة بس بيكون احساس احلي لما تلاقي رساله او مكالمةحتي لو من اخ وصديق فدة بيدياحساس بالاهتمام والسعادة ربنا يكرمكيارب وكل سنة وانتطيب
لا
blue-wave
معلش فاتت عليه ديه
المرة الجيه بقة
هههههه
________
كيــــــــــــارا
منا بحاول السنة ديه
اظبط حجات كتير
وربنا يعينى بقة
شكرا ليكى
وكل سنة وانت طيبة
__________
حروف (دلو مرة ثانية وجرح ثاني سابقا)
شكراً
واتمنا ان متكونيش
حصلك زى اللى حصلى
ههههه
كل سنة وانت طيبة
لالا محصليش هههههههههه نورتني يا سفن وربنا يكرمك يارب وخلينا نشوفك
كل سنة وانت طيب ياسفن ولو انها تأخرة شوية معلش
على فكرة ساعات بتكون الوحدة عن قصد صدقني
هو انا اه محستهاش لأن البت فراشة اكيد عبرتني وغيرها من صحابي واهلي بس انا عارفة انالشعور ده وحش والاوحش انك ممكن كل الناس تهنيك وشخص واحد بس كنت تتمناها منه ومايعبركش
ياااااه دي بتبئى انئح ومش اي قلب يستحملها
تحياتي ياسفن
كنت عايزة اقوللك اخر سطرين دول بس انت لحقت نفسك وقلتهم بقى خلاص...كل سنة وانت طيب
حروف (دلو مرة ثانية وجرح ثاني سابقا
طب الحمد لله طمنتينى
_____________
آه وكفى
اه انا عارف شعور الوحدة عن قصد
ده .... بس شعور الوحدة عن قصد
مش بيوجع اكتر من الشعور بالوحدة
فعلاً
ربنا يخليلك كل اللى بتحبيهم
____________
enjy
طب الحمد لله انى لحقت نفسى
هههههههه
بخ
ازيك يا مودا
طبعا انا متأخره موت في الرد
بس هرد يعني لو تسمح لي :D
بص ساعات لما ببقه لوحدي
ونفسي اوي يبقه حد معايا
في لحظه فرح او حزن
بحس ان ربنا عمل كدا , عشان اروح له هوا
ماافكرش في حد تاني
يعني الموقف اللي انت حكيت عليه ده
يمكن لو كان حد كلمك ساعتها او كان معاك
مكنتش هتفتكر ربنا , او مكنتش هتحس بيه
فعلا يا مودا
فيه ساعات الواحد لما بيبقه مع ربنا
بيبقه احساس مختلف تماما
بس
خلص الكلام ...
هى جت متأخرة-شوية- انما
كل سنة وانت طيب
موكا
مش عارف هيه صدفة ولا ايه
بس انا كنت لسه بفكر فى الموضوع ده
ان الواحد عمره مهيحاف من الوحدة
لو عارف كويس ان ربنا معاه
شكرا على الكلام الجميل ده
______
واد غلبان
وانت بالصحة والسلامة
الغياب طال جدا
خييييييييييييييييييييير
كل سنة وانت طيب
انت فين ؟؟
thx
كشف تسربات المياة
غسيل خزانات
شركة نظافة عامة
إرسال تعليق