انا قلتلكوا قبل كده انى بخرج افلاص قصيرة ..صح
المهم... ادينى بقول اهوه عشان محدش يقول محدش قلى
قلت احط الفيلم عشان الحق موسم الصيف قبل ميخلص بقة و عشان اعرف رايكو برودو
وان شاء الله يعجبكوا ويجيب اعلى ايرادات كده
بس لما تشوفو هتفهمو
هوه فيلم كوميدى ( ان شاء الله )
بصو مش هضحك عليكو واقول انه جامد اوى
بس هوه اخراجياَ حلو عشان انا اللى مخرجو
والقصة عملنها مع بعض فى نفس اليوم كده
هوه الفيلم خد يوم واحد تصوير وقصة وكل حاجة
والمونتاج خد بتاع يوم او يومين لحد مخلص خالص
اخوبا هوه المونتيرالجماد بتاع الافلام اللى شركتنا بتعملها
شركة
a7
للانتاج الفنى
شركة صغيرة كده
فتحنها فى البيت كده على الضيق
المهم
واللى ممثلين فى الفيلم
صحابى على اصحاب صحابى
تركيبة غريبة بس كويس جدا انه
طلع كده
وعلى فكرة انا عامل افلام تانية احسن من كد بكتير
بس مقدمها فى مهرجان القاهرة لافلام الموبايل
فلما يخلص هبقة ارفعها بقة
وافرجكو على الشغل الجامد
مستنيكووووووووووووووو
21 التعليقات:
ههه لحقت أول تعليق الحمد لله ...الفيلم لذيذ أوي و بيضحك أوي و أنا عوماً بحب الأفلام القصيرة و خاصة أنكوا صحاب في بعض و دي حاجة لذيذة...أنا ساعات بحس أني عندي أفكار لأفلام تسجيلية قصيرة بس للأسف الشديد عمري ما خت خطوة عشان أعرف إذا كنت عندي موهبة أو لأ ....عموماً ألف مبروك على الفيلم و إنشاء الله تعملوا أفلام أكتر و قريب ترفع أفلامك التانية
تحياتي:)
ههههههههههههههههههههههههههههههههههههههههههههههههههه
انا لسة بتفرج
لسة هاجى اعلق بقى
هههههههههههههه
هههههههههههههههه
وربنا مش ممكن دمكو شربات بجد
انا كدة خلصته
لا بجد لذيذ اوى انا اول مرة اشوف حاجة كدة
والموسيقى التصورية جامدة بجد
جميل , وفعلا دمهم سكر اوى , وعارفين يندمجوا فى الدور
اهلا بيكى
ولو عندك افكار ممكن نعمل شغل وافلام مع بعض
والايردات بالنص بقة
هههههههه
بجد لو عندك فكرة فيلم ممكن تتعمل
ممكن نعملها فيلم
وبجد لو شايفة عندك الموهبة
اشتغلى عليها وان شاء الله خير
نورتى
________
original heart
يا مشرفنى على طول
ومسيطانى
ههههههه
مبسوط جدا انه عجبك
والموسيقى التصويرية
كانت اقتراحاتى انا وا اخويا (المونتير)
نورتى
زى الهوا
الف شكر على الكومينت الجميل
نورتى
ههههههه عساسيل اوى
والفكره كمان غريبه اوى اوووووووى
وكمان الحالة اللى عاملهم كل واحد فيهم خلت الفيلم كله على بعضه ليه حاجه مميزه جدا
ربنا يوفقك دايماً
ازيك يا se7en
عامل ايه ... معلش انا مقصرة معاك الايام دي .. بس انت عارف المشاغل بقى وكده .. حيث ان انا بقيت حد مهم فى المجتمع :)
المهم .. كالعادة .. عارف رأيي فى الفيلم .. بس برده هقولك اكتر الحجات اللى عجبتني .. زيادة تأكيد ...
طبعا يتحسبلك انك مصور بكاميرا واحدة ومع ذلك بحس انه متصو باكتر .. وده اكيد خد مجهود منك ومن الناس كلها ..
بصراحة لماا ورتني الفيلم قبل المونتاج ، مكنتش متوقعة انه هيعجبني .. بس فى الاخر عجبني .. انت ومانشي علمتوني محكمش على حاجة بتعملوها الا لما تخلص خالص ..فتحية ليك انت ومانشي على المونتاج اللى بيشمل الموسيقى بتاعت الفيلم طبعا .. عاملة شغل جامد ..
بحب قوي اتفرج على التتر اللى فى الاخر .. بيحسسني ان الناس دول ممثلين بجد .. فيه حرفية ..
احسن حاجة انك بتهتم بالتفاصيل ... والتفاصيل دي هي اهم حاجة ..يعني مع ان موضوع الفيلم عادي .. بس انت اشتغلت على التفاصيل وفى النهاية طلعت حاجة كويسة ...
كفاية عليك كده ...
ربنا يوفقك انت و مانشي باشا - والله الراجل ده جامد - وتشوفوa7 شركة كبيرة ولا السبكي هههههه .. خلاص متزعلش ... خليها جود نيوز .. بس مركزي يبقى محفوظ فيها بقى :) ماشي .. وبالتوفيق في المهرجان ..
SaLaMaTy
ههههههههههههههه
طب فين دستة الاقلام عشان اكتب التعليق
شكلى كده حديك سيف يد
سيف يد
سيييييف يد
ههههههههههههههههه
بجد مشكلة
الله ينور يا جميل
شغل جامد
تحياتى
اسلام
يا قشطه يا سيفن
فيلم تهييييييييييييييس
بس بجد حلو
يعني فعلا موهوبين انت واصحابك
جوووووووووود
لاااااااااااااااااااااك
مووووووووو
كااااااااااااااااااااا
la princesa ... whisper
ميرسى
على الكلام الجامد
اللى بيرفع من الروح المعدنية
-----------
vanilla
مش عارف اقول ايه
كل مرة بتتحفنى
بكومن جامد كده
معرفش ارد عليه
بس كل اللى اقدر اقوله
ان شاء الله نعمل افلام احسن
عشان نشرفك كده
____________
مواطن مصرى نايم
هههههههههههه
الف شكر بجد
مبسوط جدا ان الفيلم عجبك
هقبال البقاى بقة
-------------
موكاتك
ايه ده اخيرا
ههههه
ميرسى يا موكا
يا مسيطانى فى كل حتة
الموسيقى عجبتنى اكيد انت بتقضوا وقت ممتع وانتو بتعملوا الافلام دى
ليك تاج عندى
سلام
لااااااااا دا انتم هتنفسوا السينما الدوليه هههههههههه ربنا معاكوا
appy
اه ان شاء الله هتروح مهرجان كان
السنين الجاية
هههههههههه
نوتينى
ههههههههههههههههههههههههههه
الولد اللى طالع بدور مدرس ده
هلكنى من الضحك بجد
ههههههههههههههه
ازيكم يابهايم
بيقلها بطريقة فظيعة
لا بجد عشرة على عشرة ياريس
ان معرفتش استخدم اللينك
بس عملت بحث على اليو تيو وبعدن جبته
طبعا الموسيقى روعة بالذات مع الاخ التايه دا
المدرس ما كانش حلو فى الاول وبعدين بقى روعة
مستنى افلامك
كلام وخلاص
سورى مردتش على الربلاى بتعاك
مخدتش بالى خالص
وان شاء الله هروح اخد التاج
نورتى
___________
مدحت محمد
اه بجد هوه اصلا موهوب فعلا
وانا بجد بتمناله مستقبل هايل
نورت
----------
واد غلبان
بجد شكرا جدا جدا
على التعليق الجميل ده
وياريت لو عندك اى ملحوظات تانية تنورنى بيها
نورت
ماشاء الله شكلى هحسدك بقى ،ههههههههه
بجد رائع ان يكون سنك صغير كدة وليك انشطة بجد كويس جدا جدا جدا وربنا بجد يوفقك
وعايزة اشوفك بقى باقى الافلام
انا لسة كنت بشوف الفيلم حالا وكاخراج رائع جدا بس هو فى حاجتين عايزة اقولهملك بس ياريت متضايقش هو اولا تمثيل الشباب عايز يتظبط شوية وثانيا فكرة الفيلم عايزة توضح اكتر
ودى حاجات اعتقد انها سهلة جدا وانت عملت اصعب حاجة اللى هى الاخراج بس فعلا الاخراج عاجبنى قوى
وان شاء الله يكون ليك مستقبل رائع
وياريت تقبل نقدى
ندا منير
بصى انا معاكى فعلا فى اللى انت قلتيه
مش كل اللى فى الفيلم ليهم فى التمثيل
يعنى اللى طالع فى دور المدرس يعتبر احسن واحد فيهم تمثيلا
وبجد انا بحمد ربنا ان الفيلم طلع كده انا قبل التصوير قلت هيطلع عك
عشان محدش ليه فى التمثيل اصلا ...فى ناس كانت اول مرة تمثل فعلا فى اى حاجة
وبالنسبة للفكرة ...الفكرة بسيطة مش معقدة
هيه حاجة كده كارتونية اصلا
ان المدرس ده بيخوفهم بموضوع سيف يد ده
عاملهم ارهاب يعنى
فلما ضرب صاحبهم كلهم وقفلو
هيه الفكرة نفسها مش فيها ابتكار اوى
بس الفكرة فى التهييس اللى فيها حاولنا نعمل
حاجة كده لزى الكارتون بس على حقيقى
حتى فى اول الفيلم حطيت موسيقى توم و جيرى
عشان تبين الفكرة
وشكرا بجد لوجهة نظرك
وان برحب باى نقد اكيد
ومستنى نقدك ان شاء اللهفى الافلام الجيه
نورتى
إرسال تعليق