تخيل معايا كده واحد ماشى فى الشارع بالعربية وكسر على عربية تانية فجاة...
بس الحمد لله حصل خير .... طبيعى ان اللى دخل غلط ده هيعتذر والتانى يقله ابقة خلى بالك
ويمثل انه متنرفز وبعيدن يقول حصل خير ويمشى
بس مش هوه ده اللى بيحصل
خلينا نعيد المشهد اللى بيحصل
.
.
.
واحد ماشى بعربيته وكسر على عربية تانية... وحصل خير وكل الكلام الحلو ده
الراجل اللى غلطان بقة مش بيعتذر (ايه يعتذر ديه لسه متخلقش اللى يعتذرله)
الجملة السخيفة ديه بيقلها ناس كتير مش فاهم ليه
وكإن الاعتذار ده عيب يعنى
مماته قلتله وهوه صغنطط متلعبش مع العيال الوحشة ولو حد قلك هديك شوكلاته مترحش معاه
واوعه تعتذر ياحمادة الناس تاكل وشنا
او مثلا مرة اعتذر لحد صاحبه فى المدرسة راح المدرس طلعه بره ومده على رجله وزنبه على الحيط
بجد مش عارف جابو ثقافة عدم الاعتذار ديه منين ؟؟
سيبكو من موقف العربية ده مش هوه ده الموقف الوحيد انا بقول على سبيل المثال وليس الحصر
يعنى لو واحد اتنرفز وغلط فى حد مثلا
فبعد ميهدى الطبيعى انه يعتذر
لا
ازاى ميصحش
يروح قايل ايه: ده هوه اللى نرفزنى يبقة يستحمل بقة.
حاجت كده مبشفهاش صراحة غير فى مصر والشرق الاوسط للاسف
بره فى الدول المحترمة لاحظت ان عندهم ثقافة لاعتذار موجدة بشكل اكبر من عندنا
وتلاقى الواحد بيعتذر وتحس انه ندمان كده على اللى عمله
هنا حتى لما بيعتذر
يقلك (معلش) والكلمة ديه بتدايق اصلا اكتر من الفعل اللى انت بتعتذر عشانه
معلش ديه مفروض تتقال لما تكون بتهون على واحد بيشكيلك حاجة
بس انا مش مقتنع بيها كاعتذار خالص
ولو لقه اللى قدامه لسه زعلان برده
يقله: مقلنا معلش هيه شغلانه.
حجات كده يعنى
اللى عاوز اوصله فى النهاية
انه طالما الواحد غلطان لازم يعتذر مهما كان كبير فى السن او المقام
ومش عيب لما الواحد يقول انا اسف
مش هتقلل منه ولا من هيبته قدام يعنى
وياما علاقات اتقطعت عشان مفيش حد عاوز يقول انا اسف
او مكسوف يقولها وكانها كلمة قبيحة يعنى
متقول ياعم وابقة استغفر ربنا بعدها متزعلش نفسك
بس قلها.
33 التعليقات:
هههههههههه أول تعليق أنا بس بحجز:)
البوست جميل أوي و معرفش أنا ليه أعت أضحك أوي عليه :) فعلاً الناس طالما غلطانة إيه المشكلة أنهم يعتزروا , يعني على رأي أخويه الصغير
الرجل الحقيقي ليس القوي العضلات بل هو من يمتلك نفسه عند الغضب معلش بقى سباس تون و الكرتون
تحياتي و تقبل مروري
السلام عليك
هيعتذرو على ايه
هما غلطو فى حاجة
ولا كانو غلطو
بجد البوست دة بيوصف جزء صغير من ثقافة عدم الاعتذار فى بلادنا
مع ان المفروض نكون على خلق اكتر من كدة
بس تقول لمين
كل واحد م شايف نفسه غلطان ابداااااااااا
ويكون الغلط راكبه من ساسه لراسه بس بردو مش هيعتذر
عند بقى وكبرياء
بيقلك انا مصرى يعنى معتذرش لحد
كرامة بقى وكبرياء
وياعينى دة بيبقى غباء وجهل
مرة حصل معايا موقف فى المترو
اعدت على كرسى وجت واحدة اعدت قدامى كل شوية تقوم تعدل شنطها المحطوطة على البتاعه اللى فوق راسى دى
المهم شنطة وقعت على راسى والتنية كانت هتقع ورايا فعلشان تلحق شنطتها خبطت راسى بعنف جامد اوى
خلاص انا فى نفسى قلت حصل خير يعنى مش فى بالى حاجة بس من شدة الخبطة قولت اى
ليه وليه بقى اقول اى
لاقيتها بتبصلى وتقولى هو انا ضربتك برصاصة
والله انا بصيتلها ومن كتر الاستغراب مرديتش عليا
هو دة شعبنا اللذيذ :(
ههههههه
ضحكتني يا سيفن والله ..على رأيك اعتزر وابقى استغفر ربنا بعدها ..
بص هي لو جت على معلش مش مشكلة ..يعني أنا ساعات بقول معلش أنا آسفة على سبيل الاعتزار .. بس عارف لما حد يقولك متزعلش .. ولو زعلان يعني .. اضرب دماغك فى الحيطة ..دي بقى أكتر حاجة تشل ..هي بتتقال على سبيل الهزار .. بس غلسة ..مش دايما ينفع تتقال ..
الحكاية دي جاية من ان محدش بيقبى عايز يكون غلطان.. وكونه بيعتدر يعني هو غلطان ..واكيد اعترافه بده اهانة وتنازل .. فلما تيعتزرلك يقى لازم تقبل الاعتزار ...
الموقف بتاع riginal heart
ضحكني قوي ..بيعبر عن قلة الزوق المتناهية..
المهم ..بوست جميل يا سيفن ..
وفى انتظار الجديد ..
SaLaM
zanooba (zeinab sab9n)
ههههههههههه
احجز ياعم براحتك
بس لازم تدفع ارضية بعد كده
هههههه
بجد اخوكى الصغير ده بيفهم
سبيس تون بتجيب تاثير اهوه
بس يارب يعمل بالكلام الجامد ده
وبجد نورتينى
-------------
original heart
وايه المشكلة لما يغلط هوه مش انسان يعنى ولا ملاك بجناحات
وبالنسبة لموقف المترو ,,,,موقف يجيب الضغط انا مش عارف
انتى قدرتى تمسكى نفسك ازاى
انا لو منك اقلها امال اعملها سيلنت
هههههههه
بس انت عارفة هوه من الاول لو كنت دخلتى فيها شمال مكنتش عملت كده
بس نعمل ايه كل واحد بيعمل بتربيته بقة
ربنا يصبربك بجد
نورتينى
----------------
ههههههههههههه
اه فعلا كلمة مستفزة بتحسس ان الواحد مش حاسس
بالغلط اللى علمه وبيعتذر كده تقضية الواجب
ومش فارقه معاه اساسا
يلاه هنعمل ايه لازم نستحمل
نورتينى
انت بتهرج يا راجل انت؟
يعتذر يعنى ايه؟؟
هوا صغير ولا ضعيف علشان يعتذر؟
للأسف الشديد هى دى الثقافه السائدة
ان الإعتذار ضعف
وللأسف الأكبر
ان لما واحد بيعتذر بيلاقى الناس جت عليه على اعتبار انه الأضعف
ف بيبطل يعتذر
بجد محتاجين نغير حاجات كتييييييييير اوى فيها
ايوة
معاك حق
كلمة بسيطه
وتعالج الموقف في ثواني
ومع ذلك , بيستكبرو يقولوها
بس بجد برافو عليك
موضوع مهم جداااااااااااااا
قشطه
مش عيب نعتذر بس عيب نكرر الغلط
تسلم دماغك
blue-wave
احنا محتجين نغير حجات كتييييييييييييييييييييييييير اوى
مش عارف هنغير ايه ولا ايه بصراحة بس نغير واحدة واحدة كده
والباقى على ربنا بقة ,,,,,,,نورت
_____________
موكاتك
شكرا ياموكا
نوتينى
____________
appy
بصى هوه تكرار الغط مش عيب لو مش مقصود
بص يبقة عيب لو الواحد مصر على الغلط او مش عاوز يعترف بيه
از يبطله
نوتينى
(عيب لو الواحد مصر على الغلط او مش عاوز يعترف بيه)
فعلا العيب ان الواحد يستمر فى الغلط وكمان مش عايز يعترف
اصله كبير ازاى يعتذر لا دى تبقى عيبه فى حقه
بجد بوستك جميل و جامد و فعلا بيناقش حاجه تشل من الحاجات اللى احنا عايشنها
لا و الغريب بقى لما انت تقول لحد مثلا انا فعلا غلط فى الشخص دا و لازم اعتذر ليه تلاقيه رد عليك على طول
تعتذر ايه بس كدا هايفكر انك ضعيف سيبه هو هايهدا و خلاص الموقف هايعدى لازم تكون صاحب كبرياء
فى معانى كتير اتغير معناها فى الزمن اللى احنا فيه
ربنا يستر علينا و يهدينا ويهدى الكل
تحياتى (:
shimaamahdy
فعلا وكانه معصوم من الغلط
ربنا يهدى الجميع
نورتينى
لأ ياسفن الموضوع مش كده
بس انا لما بكتب حاجة مش بنزلها غير لما بلائي صورة و مش بدور بس بوريها لصحابي واللي يجي مناسب للكلام بينزل الاول يعني عندي حاجتين او تلاتة مش لئيلهم صور ومش عارفة انزلهم اتنين منهم رومانسي ووحدة سياسي وكان السياسي اللي هتنزل بس الصورة
انت بئى اللي حظك بيجي في بوست فيه موت ليه معرفش
نوره الخشن
يبقة العيب فيه انا بقة
باجى فى وقت مش مناسب
ههههههههه
بالنسبة لموضع الصور
مش لازم توقفى بوست حلو عشان صورة
بس لو احتجتى اى مساعدة فى موضع الصور ده انا موجود
انت بتكلمى مصور اساسا
هههههههه
بجد قليلى بس على الموضوع وانا اديكى الصورة التمام نورتى
صح عندك حق والله فى كلامك مش عارفه ليه ناس كتير مش بتعتذر عن غلطها اللى بتعمله وانا كمان مشفتش الموضوع ده فى حد غريب لا اختى مثلا مهما عملت مابتعتذرش ابداااااااااااااا
ومشض عارفه ايه السر وكل اما اسئلها ليه تقولى هو انا كده مش بعرف اعتذر لحد
ولا مثلا لما حد يجى معترف بغلطه
ويعتذر للغلطان فيه تلاقى اللى قدامه يوقلو اوقات لا متعتذرش انا ماحبس اسمع كلمه اسف من حد طيب ليييييييييييه مش هوا غلطان فيك يبقى انت بقى ساعتها متستهلش ان حد يعتذرلك ناس غريبه
ايه ده انا رغايه اوى معلش بقى اول زياره ليك ولازمن وحتما ولابد تستحملنى
نونااااا
اتفق معك فى اختفاء ثقافة الاعتذار
ولكن
مش بس مصر هى اللى ضاعت فيه قيمة الاعتذار
دا بيحصل تقريبا كل يوم فى كل حته
ودا بسسبب ان كل واحد فاكر نفسه شخص مذهل مش هايتكرر ابدا تانى وفاكر ان اى انسان تانى على الارض اقل وا غبى منه
تحياتى
ftafeet
نورتينى باول زيارة ليكى
وان شاء متكنش الاخيرة
بالنسبة لموضع عدم قبول الاعتذار
سعات الغلط بيبقة اكبر من انه ينتهى بكلمة اسف
لازم يبقة فيه فعل يدل على الندم فعلا
بس عموما مفروض يكون الواحد امثر مرونة يعنى
نورتى
__________
واد غلبان
هوه اكيد مش مصر بس
بس فى مصر الواحد شايف الموضوع اكتر
ومتعايش معاه ونفسه الحاجة ديه متبقاش فى بلده
نورت ومش عاوزينك تغيب كتير عن المدونة كده
thx 3ll post
steelbeauty
العفو :]
والله عندك حق احنا فى حاجات كتير مخلية مصر بلد متاخرة ودى حاجة من الحاجات التانية وفعلا المشكلة عندنا ان محدش بيحب يقول انه هو اللى غلطان او انه هو اللى غلط وزى ما قلت دا بيسبب قطع علاقات كتير ومش عارفة فعلا الناس هتخصر ايه لو اتعذرت
وعلى فكرة دى اول زيارة ليا لمدونتك واول موضوع عجبنى جدا وهو موضوع جديد محدش ناقشه قبل كدة
وربنا يوفقك
ندا منير
مبسوط جدا بزيارتك اللى ان شاء الله تتكرر
وتشوفى على طول مواضيع تعجبك
زرونا تجدوا ما يسركم
هههههههه
نورتى
معلش تصدق فعلا انها عذر اقبح من ذنب محتاج يعتذر عن الكلمة دى كمان فى مفاهيم كتير عندنا مقلوبة ومشوشه
سلام
كلام وخلاص
انا حاولت ادور على معنى لكلمة (معلش) فى اللغة ديه ملقتش اصلا
مين (لش) ومين ده اللى معاه محدش عارف
نفسى اعرف مين اللى طلع الكلمة ديه اصلا
نورتى
إيه ده هي كل حاجة بقت بفلوس ... حتى حجز أول تعليق ماشي يا عم :)
ماعلينا ليك عندي هدية...تاج عقبال عند الناس كلها :)
سلام
السلام عليكم
والله كلمة اسف او اسفه......هى. العلاج الفعال.. لمحو المشاكل بين الناس واكثرها فعاليه.
من قريب اوى كانوا اتنين اصحابى... زعلانين من بعض وشاتمين بعض......... حتى انا معرفتش انا انصحهم بايه,
راحت واحده منهم.. جايه وقاييللى, انا هروح واتأسف....( والله هى اللى كانت مشتومه من التانيه اكتر)
وانا قاعده اعيط عليهم ..
المهم البنت راحت وقاللتها انا اسفه وبس.
وانتهت المشكله.
تعرف حضرتك......... مكنش ينفع باى طريقه تانيه, انهم يرجعوا لبعض, غير كدا, حتى بتدخل الاصحاب.
بس هتقول ايه بقى
انا نفسى....... بفكر مليون مره قبل اى حاجه... عشان ما اغلطش, ولو غلطت.... والامر ما بيسلمش
بتأسف........ وبيبقى شكلى غلبااااان.., ببقى كارهانى ومش حبانى خالص
وكتير فى المواصلات... بلاقينى بتخبط وبترمى... وحاجات غريبه كدا بتحصل, وتلاقى من قام با الفعل...... عادى خالص
ياااااااااااااه حاجات كتير اوى
بس والله بحييكى على البوست, لانى لما اغلط.... هفتكر البوست علطووووووول
والحاجه اللى تضايق بقى... انك تصاحب صاحب متعصب وكل شويه يغلط فيك.. وكل شويه يقوللك انا اسف انا اسف..... ساعتها بقى
مش هكمل
ههههههههههههههه
تحياتى
دمت سالم
zanooba (zeinab sab9n)
هيه بفلوس بس اول مرة مجاناً
ههههههههههههههه
وشكرا على التاج
نورتى
---_-
"والحاجه اللى تضايق بقى... انك تصاحب صاحب متعصب وكل شويه يغلط فيك.. وكل شويه يقوللك انا اسف انا اسف..... ساعتها بقى
مش هكمل"
طب تعملى ايه فى صاحب عصبى كل شوية يغلط ومش بيقول حتى اسف
على الاقل اللى بيقول اسف بيبقة حس بغلطه
يله مش مهمه
نورتينى
دى اول زيارة ليا وان شاء الله مش هتكون الاخيرة
اعتقد ان الشخص اللى ما بيتأسفش ده شخص متعجرف
لاننا كلنا بنغلط واكيد لازم تمر علينا اوقات لازم نتأسف فيها
لاننا مش ملائكة
بذرة امل
بجد الكلمة اللى انت قلتيها فى الجون متعجرف
هيه الكمة ديه بجد اللى ادت الوصف المظبوط
نورتى المدونة وياريت تفضلى تنوريها على طول
اييييه ده عاوزه يعتذر
متخلقش علي وجه الارض اللي يخليني اعتذر
ال اعتذر ال
هاذولت بجد
*********
عاااااااادي جدا عدم الاعتذار في ناس بتشوفها اهانه لهم
ده في ناس بتقول انها لو اعتذرت لحد يبقي كده الشخص اللي اعتذرتله قلت قيمتهم عنده
***********
مع ان الاعتذار بيدوب مشاكل كتير
وبيخلي بين الناس موده وازاله لاي مشاكل
******
للاسف كلمه اسف كتير مش بيعترف بيها مع انها سهله اوي
تحياتي كيارا
كيارا
متفق معاكى تماما
ونورتى المددونة لاول مرة
و ان شاء الله متكنش الاخيرة
لا مش تقلق مش هتكون الاخيره بس يارب بس مش تززهق من كيارا وبتعليقاتها الغلسه
تحياتي
كيارا
لحد دلوقتى مفيش غلاسة خالص
بس حتى لو غلسة مش مشكلة
المهم تنورينا
اول حاجه في الغلاسه
واااااااااااااااااجب لازم يتجاوب
كيارا
دلوقتى انا فهمت كنتى ليه بتقولى غلسة
هههههههههههه
بجد انا عليه كمية واجبات غريبة
مش عراف هحلها امتة
بس مقبولة منك
شكرا جزيلا
إرسال تعليق