اصطبحنا واصطبح الملك لله...

بسم الله الرحمن الرحيم

اوخيرا عملت مدونة

اصل موضوع المدونة ده موضوع كبير معايا

سمعت عنه من زمان اوى بس عمرى مفكرت جدياً اخش فيه

بس اللى خلانى اخش فيه لما اختى عملت مدونة بقة ودخل دماغها الموضوع ده

واقنعتنى انى اعمل مدونة ... من غير رغى كتير الموضوع ممشيش معايا من اول مرة

بس الحمد الله نفع .... كده حلو اوى يا ولاد

اكتر حاجة شدانى فى موضوع المدونة انى اكتب اللى نفسى فيه حتى لو على سبيل

التنفيس على اللى جوايا...عشان الكبت وحش انتوا عرفين يعنى

اه.. نسيت اعرفكوا بنفسى صحيح ...

انا اسمى محمد وصحابى بينادونى سيفن-seven- سبعة يعنى

واحد يجى يسئلنى اشمعنى يعنى؟؟

هحكلكوا على موضوع سفن ده بعدبن لوحده عشان ده موضوع كبير

بس مش كبير اوى متقلقوش

المهم انا مصرى زى ماهو باين يعنى

من سكان المدينة الفاضلة 6 اكتوبر -مش محافظة 6 اكتوبر- عشان تفرق

هبقة اقلكوا برده بعدين على الموضوع ده ...معلش بقة...استحملونى

عندى 19 سنة فى البطاقة بتاعة الحكومة(ده لحد دلوقتى)

بدرس لغات وترجمة (الحمد لله) بدرس حاجة بحبها وديه اهم حاجة فى الموضوع

وانا بكتب الكلام ده انا فى فترة الاجازة والحمد لله بس للاسف عايش

فى حالة فراغ

بس ادينى بدور على حاجة موفيدة اعملها

مع ان هوياتى كتير...بس عارف لما يقلك عاوز تحيرة خيره

اهوه انا كده عندى حجات كتير فعندى نوع من التشتييت

المهم انا حاسي انى اتكلمت كتير هكملكوا بعدين بقة

مش هتأخر ان شاء الله