حبوا بعض

بصوا بقة...

الموضوع  و ما فيه 

ان لسه حاصل معايا موقف جميل جدا

انى زعلت من حد عشان مبيسئلش عليا

وبصراحة (مع ان قلبى مش اسود) مسمحتهوش على طول

وبعدين جيه فى نفس اليوم واحد زعل منى

(شوفوا لصدف )

بس الجميل اكتر بقة

ان اللى كان زعلان منى اصلا واحد صحبى 

والموضوع كله سوء تفاهم بس قلب بنكد

بعيداً عن التفاصيل المملة 

اكتشفت ان الواحد بيضيع احسن لحظات حياتوا فى انو يزعل من ناس بيحبهم

واصلا الواحد مبيزعلش من حد الا لو كان بيحبوا

يعنى بشوف ناس بتفضل متخانقة بالشهور والسنين عشان كلمة

عشان كلمة طلعت غلط او كلمة كانت تصلح كل حاجة

بس كله وحد بيفضل متمسك بالى فى دماغه

حتى لو على حاجة عبيطة

فبجد كل واحد قبل ميزعل من حد بيحبوا لازم يفكر 

فى كل حاجة حلوة عملها الشخص اللى بيحبوا عشانه

حتى لو كانت صغيرة حتى لو كانت مكملة كلمك فيها يطمن عليك فيها وانت عيان

او كلمة حلوة قلهالك رفعت من روحك المعنوية موقف عمله معاك اى حاجة

بس افتكر كويس انك مش هتلاقى كل يوم حد يحبك بجد

فلو لقيت حد بيحبك بجد اوعه تسيبه...ولو سيبته يبقة انت مكنتش تستاهل حبه