بصو بقة فى موضوع عجيب ( على اساس ان المواضيع التانية مش عاجيبة)
المهم الموضوع عن الذكاء والغباء
انا لاحظت ان الذكاء والغباء للاسف ملهاش معايير
ايوة ملهاش معايير سيبكوا من اختبرات الذكاء ديه
ديه انا باعتبرها اختبرات غباء مع احترامى للعلماء اللى عملوها
يعنى كان فى علم النفس فى الثانوية الاستاذ كان جابلنا اختبار ذكاء
بتاع عالم ماشهور كده المهم يعنى طلع عارفين حاجة زى اسئلة قناة استريك ومزيكا كده
حاجة تشل ملهاش علاقة بالذكاء والغباء
غير كده كان فى اختبار شوفتوا على النت بيقلك بيل جيتس جاب فى 4 نقاط بس
وانا جبت 4 بردو تقريبا ... معنا كده انى هبقة اغنى حد فى العالم!!
غير كده
فى ناس جابت اعلى من اربعة وهيه ناس عادية يعنى مش عباقرة
الهم نسبنا من حوار الاختبارت ده الموضوع اللى معقدنى بقة انى
لاحظت ان فى ناس بتبص لناس على انهم اغبية مع انهم اكتر منهم فى الذكاء ( متنسوش انى ديه وجهة ناظرى انهم اكنر منهم فى الذكاء)
مش بقلكم موضوع معقد ...
وفى ناس بتبص على ناس على انهم عباقرة وهما مش كده خالص (ده برده وجهة ناظرى)
مين بقة يقدر يحدد فعلن الذكى من الغبى
هتقولوا اذكى واحد طبعا
طيب مين هيحدد اذكى واحد اصلن مش ممكن يكون هوه غبى واحنا مجرد اغبى منه
مش ممكن يكون كل الناس اغبية بس بدرجات
هوه موضوع معقد مش عارف انا علمتو ليه اصلا بس بجد هوه معقدنى فقلت لازم تشركونى المرح
واخير ممكن ناس تفتكر ان الكلام ال انا قلتو ده اغبى كلام ممكن يتقال وممكن ناس تفتكر العكس
دماغى هتفرقع ....
بجد مش قادر اكمل عشان الموضوع ميتعقدش اكتر من كده
سلام بقة
13 التعليقات:
ده انا اول تعليق
ياحلاوتي ياجمالي
هرجع تاني اقرأ موضوع الذكاء والغباء ده
بس الاول لكـ تاج عندي يافالح رووح خده
هوا فعلا موضوع الذكاء والغباء نسبى
بس فيه مواقف معينه بتبين
مش اختبارت وكلام فارغ من دا
يعنى ازاى وامتى تتكلم وتقول ايه ف مواقف معينه
دا اسمه ذكاء اجتماعى
ازاى تكسب اللى قدامك بتصرفاتك
ودا اسمه ذكاء موقف
كدا يعنى
شكلى انا كمان لسعت زيك ولا ايه:))
نوره الخشن
اقرى ولو فهمتى حاجة ابقى قوليلى
ههههه
بس ليه التاج كده
انا لسه عليه واحد لسه معملتهوش
مش مشكلة يتركن جمب زميله
ههههههه
لحد مفكر فيه
-____________
blue-wave
بص انا عارف موضوع الذكاء الاجتماعى والكلام ده
سب انا بتكلم عن الذكاء بشكل عام كمفهوم عام كده
وبلاش تلسع عشان اللقى حد يفهمنى
هههههه
__________
نورتونى
الذكاء بشكل عام مش هاينفع نحدده بمعيار
يعنى اختبارات و كدا انا نفسى عمرى مااقتنعت بيها
فى ايام الثانوى كنت زيك كدا لما دخلنا فى الجانب المعرفى للشخصية
و لما الاستاذة بتاعتى بدات فى الكلام و قالت الذكاء العام وفضلت تشرح وقفت انا عند اختبار ستانفورد- بنييه للذكاء ..الاختبار دا كان عيبه ايه انه ماينفعش لذكاء الراشدين
و التانى كان وكسلر لذكاء الراشدين
يبقى احنا بقى نمسك كل مرحلة بالاختبار بتاعها عشان نعرف نسبة الذكاء
دا كان بالنسبة لكتاب المدرسة الكتاب الخارجى بقى كان فيه ملحق ليه اسمه لعبه الغباء و الذكاء وكان فيه تعريف للغبى والذكى والأذكى
الخلاصه عشان نعرف البنى ادم دا ذكى ولا لأ
نشوف لو غلط مرتين فى نفس الموقف يبقى غبى
لو غلط مرة واحدة واتعلم من الموقف يبقى ذكى
اما بقى لو مش غلط خاااااااااالص يبقى الأذكى
يااااااااااه رجعتنى لايام ثانوى والجنان بتاع حصه علم النفس ((:
لكن هو الافضل واللى انا شفته اننا نتعامل مع الناس انهم اذكى منا دايما لحد مايثبته هما العكس .اهو تكون ريحت دماغك وكمان بقى كفايه مواضيع لاسعه احسن انا دماغكى بتتلكك :|
تحياتى (:
لا هو الذكاء و الغباء نسبى فعلا
يعنى مثلا خد عندك
احمد ذكى
منى ذكى
ماجدة ذكى
ذكى رستم
لو واحد غبى حيحسبهم اخوات و ابوهم ذكى رستم
لو واحد ذكى حيحسب ان التلاتة اللى فى الاول اخوات
و الاخير ده تشابه اسماء
هههههههههههههههه
ايى خداموووووووووز
عشان تعرف انى ذكى
بس مش قريب الناس اللى فوق دى
بوست جامد بجد و الفكرة جميلة
الله ينور
تحياتى
اسلام
سلام عليكم
بدايتاً مبحبش اختبارات الذكاء العربي
مش عارفة ليه بحس انها بتجيب عته
لو حضرتك عايز سايت محترم فيه classic Iq
Brain Teasing
وحاجات بالهبل عن الذكاء
معمل عليها دراسات دكتوراة و ماجستير
انصحك بالسايت دة
web.tickle.com
طيب
بالنسبة لموضوع الذكاء و الغباء
كموضوع
انصحك برضو بقراءة الموضوع دة
في مدونة -رحايا العمر-
لحظة هروح اجيب للينك
لموضوع بعنوان هل تعرف نوع ذكائك
و دة اللينك
http://ra7aya.blogspot.com/2008/07/blog-post_20.html
...........
بالنسبة لرأيي
فدة نسبي
يعني أنا مثل ساعات حاجات كتير بفهمها من بداية الشرح في حين ناس تانية مبتفهمهاش
وحاجات تانية لو وقفت علي طراطيف صوابعك مش بفهمها برضو
معرفش دة بيحصلي ليه
ساعات ألقط الحوار و هوه طاير
و ساعات احس بمدى غبائي
غباء غباء يعني
و بقي يفتح و يبقي منظري عامل زي المش عارف اية
هوه انا مش عارفة وجهة نظرك من البوست قوي
( حالة من حالات الغباء اللي عندي)
سلام عليكم
shimaamahdy
بصى انا لفت نظرى حاجتينى فى الرد بتاعك
اول حاجة
"عشان نعرف البنى ادم دا ذكى ولا لأ
نشوف لو غلط مرتين فى نفس الموقف يبقى غبى
لو غلط مرة واحدة واتعلم من الموقف يبقى ذكى
اما بقى لو مش غلط خاااااااااالص يبقى الأذكى"
هوه ده ممكن يكون صح بس مين فينا محصلهوش انه وقع غى غلطة مرتين
اعتقد انها بتحصل لكل الناس يعنى
تانى حاجة لفتت نظرى
"لكن هو الافضل واللى انا شفته اننا نتعامل مع الناس انهم اذكى منا دايما لحد مايثبته هما العكس ."
انا بتفق معاكى 120%
عشان الشخص اللى بيشوف اللى قدامه اغبية بيبقة اغبى منهم
نورتينى
____________
مواطن مصرى نايم
ايه ده هما مش اخوات!!!
ههههههههههههههههههه
ده انا كن موهوم بقة طول الفترة ديه
كويس انك قولتلى بقة
هههههههههههههههههههه
نورت
________________
نعكشة
فينك مش باينة ليه ؟؟
شكرا على السايتس الللى انتى جبتيها
هيه حلوة بس برده مش بقتنع بيها اوى
مش شايف انها مقياس كفاية
يعنى لو واحد مش مركز فى الاختبار مش هيحل وحش
يعنى عشان تحلى الاختبار محتاج تركيز اكتر منه ذكاء
وبالنسبة لرايك
انا برده بتحصل معايا نفس الحاجة
سعات الواحد يجيله نوبة ذكاء ويفهم اللى محدش فاهمه
وسعات يجيله نوبة غباء وميفهمش اللى كل الناس فهماه
ومعلش لو مفهمتيش البوست اوى اقريه تانى
ولو مفهمتيش بدره
اسئلينى على ايه اللى غامض فيه بالظبط
نورتى
-__-_
دى بتبقى لها ابعاد نفسيه ووقت مش اسئله وخلاص فهمت
بقى ولا تضرب علشان تفهم هههههههههههههههههه
appy
لا خلاص يا مييس
فهمت
بس بلاش العصايا
ههههههههههه
بس فعلا عندك حق فى مضوع الابعاد النفسية ديه
وكمان ليه دعوة بالمزاج العام
يعنى لو الواحد متنرفز ممكن يعمل حاجة غبية
بس لو كان ساعتها هادى كان هيتصرف بطريقة اذكى
نورتينى
الذكاء انواع ولان انواعة كتير
احنا ما بنعرفش نميز
والغباء كذلك
بينما هذه الاختبارات مجرد اشباء وهمية بما فيها ال اى كيو
بس فعلا اختبارات السرعة كل مرة تلاقى سرعة مخك بقت احسن ابقى جربها على الفايس بوك
واد غلبان
متفق معاك تمام
وانا فعلا جربت حورا اختبار السرعة ده
بس بوهق بسرعة انا اصلى
هههههههههههه
فمبكملش
نورتنى
ممممممم
بص
لينا تكمله في الموضوع ده
ههههههههههههههههههههههههههههههههه
ههههههههه
ماشى يا موكا
إرسال تعليق