معظم الناس بتحب البحر
فيه اللى بيحب يعوم فيه وفيه اللى بيحب يتفرج عليه
وفيه اللى بيحب يتكلم معاه ويشكيلو...
بس الغريب بقة انى بحب البحر بس مبحبش اعوم فيه
بس بحب اتفرج عليه وهوه اللى بيشكيلى مش انا !!
هيه حاجة غريبة شوية بس بجد انا كل ماشوف البحر بحس انه
بعانى كده مش عارف ليه بحس انه محبوس وعاوز يخرج بس كل مبيحاول
يخرج بيفشل ويرجع تانى... زى ميكون كل موجه بتحاول فبتفشل
فبتيجى موجه تانية الى ما لا نهاية....
بس فى نفس الوقت بشوف فيها الاصرار على الهدف
مع انه يبان مستحيل ... بس زى مبيقلوا كفاية شرف المحاولة
مش عارف بقة اذا كان اللى انا بشوفه ده مجرد خيال وخلاص ولا ده
انعكاس لنفسيتى او لشخصيتى.... مش عارف
بس اللى انا عارف كويس ان البحر ده صعب جدا يعرف يخرج بره الحبس اللى هوه فيه
مهما حاول بس انا ان شاء الله هقدر
________________________
ملحوظة: الصورة اللى فوق ديه صورتى يعنى تابعة لحقوق الملكية الفوتوغرافية
يعنى اللى عاوز يخدها مش مشكلة
وشكرا
9 التعليقات:
أولاً الصورة حلوة قوي ( اللي مصورها فنان يعني)
ثانياً :
جميل قوي إن الناس تفكر بأسلوب مختلف
بلنسبالي يعني
تصدق ممكن
بس ساعات بيخرج قوي
و ف يالاخر بيرجع
لو فكرنا باسلوبك
ممكن نقول إنه متردد
بيقدم خطوة و يأخر خطوة
ساعات بياخد ثقة في نفسة جامد
ساعات المد و بيوصل بعيد
وبعدين بيفقدها تاني فبيرجع بقة
و ساعات بياخد خطوة كبيرة علي حساب اللي قدامة ( تسونامي مثلا)
وبرضة بيرجع تاني
متردد
غدار
هوه مش عارف عايز اية
او عارف بس خايف
دمت سالم
سلامٌ عليك
نعكشة
اولا :بالنسبة للصورة اخويا هوه اللى مصورها
اصلوا طلعلى فى حكاية التصوير ديه
ثانيا : كل واحد بيشوف الحاجة من زاوية
عشان مفيش دماغ وى التانية وغالبا بتبقة كلها
صح بس الزاوية بتختلق
ثالثا : التحليل بتاعك جميل جدا و عجبنى جدا
رابعا :شكرأ جزيلا على الرد الجميل ده
اولاً : مشوفتش صورك لحد دلوقتي فانت اللي طالعلوا لو بتعرف تصور ( بهرج)
انا بحب التصوير جداً يا ريت تعرض صور حضرتك مصورها
ثانياً: اتفق معاك تماماً
ثالثا تسلم
رابعاً: العفو انا اللي عجبني اسلوب حضرتك
خامساً : من عندي دية : ممكت تشيل تاكيد الكلمة عندك كتابة التعليق عشان كتير قوي بغلط فيها
دمت سالم
سلمٌ عليك
اولا (تانى):انا هرفع صور ان شاء الله بس عشان مش عاوزكوا تتعقدو P:
ثانيا : مش عارف اقول ايه
ثالتا: تسلمى برده
رابعا شكرا
خامسا: ازاى اشيلها بقة واكون شاكر جدا
ودمتم سالمين
سلام عليكم
اختار تخصيص - من فوق - او لوحة التحكم الرئيسية حسب اللي انت عايزة
هتلقي تلات كلمات فوق علي الجمب اليمين
ارسال اعدادات تخطيط
دوس علي اعدادات
هتلاقي حاجات كتير
أساسي النشر التنسيق تعليقات
دوس علي تعليقات
انزل تحت بالماوس
إظهار التحقق من الكلمات للتعليقات؟
اختار قدامها - لا -
انزل تحت
اعمل حفظ
بس
دمت سالم
سلامٌ عليك
ومستنين الصور عشان نتعقد
:D
شكرا ليكى على المساعدة وان شاء الله الصور
فى التوبيك الجى
جميلة اوي فكرة ان البحر هو اللي يشتكي
رغم اننا احنا اللي بنشتكي
انا بحب لبحر اني بقعد اتفرج عليه واتامل جماله
blue nile
اصل كل حاجة فى الدنيا ليها مشاعر وبتحس
حتى الجماد ولازم يشكى برده
وكمان هوه محتاج اللى يسمعه
نورتينى
اه جامده فعلا
انا اول مرة افكر في البحر كدا
برافو علييييييييييييك
إرسال تعليق