ولو مقلتش اديكوا عرفتوا..المهم...
التصوير بدأ معايا على كبر يعنى مكتشفتش الموضوع ده غير على كبر كده
يعنى زمان كان عندنا كاميرا (كودك) من اللى هيه بفيلم مش ديجيتل يعنى
بس مكنتش بصور بيها اوى فين وفين لما حد يقلى صور اروح مصور بس على كده
اول بقة مربنا كرمنى و جبت موبيايل فى كاميرا ..لا لا لا قبل كده
لما ربنا كرم اختى الكبيرة الاول وجابت موبايل بكاميرا
من اول يوم جبيتو وانا مبطلتش تصوير فضلت اصور كل حاجة واى حاجة
كنت عامل زى سبيدر مان لما اكتشف قدراته اول متحول كده
واكتشفش الحمد لله انى عندى الموهبة كانت الصور اللى بصورها بتعجب الناس جدا
والناس اللى بتكلم عليهم دول هما اهلى عشان هما بس اللى كانوا
بيشوفوا الصور ديه تقريبا
فلما انا جبت موبايل بكاميرا بقة بقيت اصور اكتر بكتير اصور كل حاجة برده
وبقة فى ناس تنية بقة بتقدر موهبتى اللى هما بقة صحابى بقيت المصور المعتمد
اى احتفلات او اجتماعت او حاتة تهييس كده انا اللى بصور و الحمد لله كنت بطلع حاجات حلوة
محدش بيطلعها غيرى ...
المرحلة اللى بعدها بقة لما بابايا ربنا يكرمه كده يارب جابلنا كاميرا ديجيتل بقة
بعد ماكنت خلاص اتعقدت من الكاميرا بتاعة الموبايل لانها مكنتش بترضى كل طموحاتى فى التصوير
طبعا مستوايا اتنقل نقلة نوعية (حلوة نقلة نوعية ديه ) فى التصوير بس كاميرات الموبايل بقة
مبقتش اطيق اصور بيها (شوفوا البنى ادم ) مع انها كانت حبيبتى زمان بس هيه برده ليها معزة عندى
وسعات بصور بها لما اتزنق
حاسس انى رغيت كتير هكملكوا موضوع التصوير ده فى موضوع تانى ان شاء الله اصله موضع كبير
ديه صورة لمبة الاوضة بتعتى عادى يعنى
فى النهاية ممكن الصور تبقة غريبة شوية بلنسبة لناس او متعجبهمش
بس ديه بترجع لكل واحد بيبصلها من اى زاوية
عشان كل واحد ليه عين مختلفة عن الاخرين
بس انا شايفها بعينى حلوة
_______________________________
ملحوظة : ديه مش احسن الصور اللى عندى بس ديه اللى كنت مصغر مساحتها
من فترة فسهل ارفعها على المدونة وان شاء الله الصور الاجمد هنزلها
فى المرات القادمة...وشكراً
16 التعليقات:
طبعا انت عارف رأيي فى الصور .. وعارف رأيي فى تصويرك .. وزي ما انت قلت .. عندك صور كمان تانية جامدة جدا .. ما شاء الله عليك ..
شهادتي فيك مجروحة ..
استمر ..مستنيةمنك الاجمد ..
SaLaM
طيب
احم احم
اول صورة عسولة قوي مش عارفة لية بس يلا
ثني صورة حاسة اناه فار و بيتصور فعلاً
هوه الفار بيقف الوقفة دية؟؟؟
ابقة صورلنا فار عشان نقارن
ثالت صورة: دة انا ساعات
رابع صورة: خطيرة الورقة
خامس صورة : مش عاجباني الظل اللي جمب الزرار شوية
بيحسسني ان الدني هتظلم عليه
سادس صورة : مش معقول قدرت تصورها ازاي
هههههههههه
بهرج
حلوة الحتة اللي في الاخر
مش احسن صوري و بتاع
هههههههههههههههه
يلا خير
دمت سلم
سلامٌ عليك
ما شاء الله..
على فكره انت فعلاً عندك موهبه واحساس عالى..بجد والله مش بهزر..
يمكن تقول فى عقل بالك انك مش محتاج ان حد يعرفك ان عندك موهبه..
بس انا محتاجه انى اقوللك انك عندك الموهبه دى فعلاً..وعلى فكره لو اى شخص تانى وبنفس الكاميرا ونفس المكان مش هيقدر يجيب الزوايا والاحساس..على الرغم من انه عنده كل الامكانيات..
بس احساس شخص من شخص بتختلف كتير..
عجبتنى الصور كلها..
بس فى 3 لفتوا انتباهى..
ورقه الشجر والمشابك والزرار..
كل واحده فيهم بتعبر عن حاجه..
ربنا ان شاء الله يكرمك وتكون مصور مشهور..واهتم بتصوير الطبيعه جايه حلوه قوى فى الصوره..
تقبل تحياتى..
حلو النيو لوك دة :D
على فكرة الصور جامدة
عجبتني بتاعة اللمبة وورقة الشجر بجد تحفة
بس عايزة فهم بتاعة المشابك
في واحد لوحده(ياترى تقصد ايه)
الصور حلوة اوي ماشاء الله
عجبتني اوي ورقة الشجر والمشابك
فعلا التصوير موهبة جميلة وبتظهر اكتر في تصوير الطبيعة
انا كمان بحب التصوير بس طبعا مس بيكون بالابداع دة
تقبل تحياتي
سارة
seven: اول زيارة ليا عندك كان ممكن اقول انك انسان غريب بس لاني بقدر الاختلاف والتميز قلت انك شخصية مختلفة ومميزة
ربنا يوفقك
تقبل مروري وتحياتي
د. موني
السلام عليكم
دى اول زيارة ليا فى مدونتك
عجبتنى جدا
وكمان اسمها غريب شويه عشان كده شدنى انى ادخلها
والصور حلوه على فكره
تقبل مرورى
vanilla
شكرا ... وانت من الناس اللى بتدعمنى على طول
وان شاء الله لما ابقة مشهور مش هنساكى (:
-_____
نعكشة
شكرا جدا انك علقت على صورة صورة
بالنسبة للصورة الخامسة الظل ده مقصود ده (استايل) فى الصور كده
الظل بيبين العنصر الرئيسى فى الصورة
بس اهم حاجة انه عجبك بقيت الصور
وبجد شكرا انك بتنورى المدونة على طول
_________
miada ref3at
شكرا جزيلاً
ومهما كان الواحد مقتنع بموهبته بيحتاج تشجيع يعنى
فشكرا على التشجيع
وانا مبسوط ان الصور عجبتك
______________
نعكشة (تانى)
شكرا عقابلك....
:)
_____________
blue nile
مهوه انت فهمتيها اهوه
انه لوحده (وحيد يعنى )
وياريت تكون كل الصور عجبتك
_________________
saragebaly
بصى طالما بتحبى حاجة حتقدرى تعملى حاجة كويسة
وانت ركزى فى الموضوع وحاولى تشوفى الحاجة الحلوة والمختلفة
فى الشىء عشان تطلع صورة مختلفة وحلوة ويبقة ليكى شكل خاص بيكى فى التصوير الموضوع مش صعب خالص
وشكرا على تقديرك للصور
-________________
د. موني
ان شاء الله متبقاش الزيارة الاخيرة
وبجد ياريت كل الناس تقدر الاختلاف كده
عشان كل واحد فينا عامل زى بصمة الصباع
مفيش حد زى التانى
وشكراً
__________________
ريمان
نورتى المدونة
وان شاء الله تعجبك كل المواضيع اللى فى المدونة
والمواضيع اللى لسه جيه
وتنورى المدونة فى اى وقت
وشكرا
________________________
بالنسبة للظل : نظرية برضو
جمييييييييييييييلة اوى ورقة الشجر
وعجبتنى المشابك
وصورة عينك عملتها حلوة اوى
بجد دى موهبة حلوة جدا حاول تنميها اكتر واكتر
جوووووووو اووووووووون
تحياتى
ايمى
نعكشة
:]
____________
شكرا جزيلاً
على رئيك فى الصور وان
شاء الله تشوفى احسن منها كمان قريب
وان شاء الله هحاول انميها اكتر عشان انا بعشق الفن ده
نورتينى
السلام عليكم..
ازيك..؟اتمنى تكون بخير..
عندى ليك فى مدونتى تاج اتمنى تيجى تستلمه..
ودمت سالم ان شاء الله..
miada ref3at..
تاج مرة واحد
حاضر انا جى اهوه
شكرا
اه ياعم
بعيني
مين قدك بقه
قشطه
في انتظار مزيدك يا جااااااااااااااااااامد
موكاتك
هههه
ماشى ياعم مقبولة منك
ههههههه
إرسال تعليق